Saytımızda məlumatların oğurlanmasının, sui-istifadəsinin və dəyişdirilməsinin qarşısını almaq məqsədilə təhlükəsizlik tədbirləri mövcuddur. İstənilən Müəllif və ya İcraçının qeydiyyatdan keçməsi yalnız saytımızın İstifadəçi razılaşmasını, Qaydalarını və Məxfilik siyasətini qəbul etməsindən sonra mümkündür.

Müəllif və İcraçılar tərəfindən təqdim olunan qeydiyyat məlumatları əməkdaşlarımız tərəfindən araşdırılaraq, ətraflı şəkildə yoxlanılır. Bu nəzərdən keçirtmə və doğrulama prosesi parolla qorunan verilənlər bazamıza girişə icazə verilməzdən əvvəl həyata keçirilir. İdeya axtarışına çıxan şirkətlərin nümayəndələrinin (bundan sonra “İcraçılar”) məlumatları tərəfimizdən ən yüksək səviyyədə qorunur və nəzarətdə saxlanılır.

Saytımızda təqdim olunan bütün materiallar və xidmətlər İstifadəçi razılaşması, Qaydalar və Məxfilik siyasətinə tabedir. Bu İstifadəçi razılaşması, Qaydalar və Məxfilik siyasəti saytın bütün İstifadəçilərinə şamil edilir. Saytdan istifadə etməklə siz bu İstifadəçi razılaşması, Qaydalar və Məxfilik siyasəti ilə heç bir dəyişiklik etmədən razılaşırsınız və onları oxuduğunuzu qəbul edirsiniz.

IDEAMARKET.AZ istənilən vaxt saytın və ya xidmətlərinin hər hansı aspektini və ya xüsusiyyətini dəyişdirə və ya dayandıra bilər.

Qaydalar:

·         IDEAMARKET.AZ saytında elanların (ideyaların) yerləşdirilməsi İstifadəçi razılaşması ilə tənzimlənir.

·         Bu Qaydalar saytın İstifadəçi razılaşmasının ayrılmaz tərkib hissəsidir.

·         Qaydaların pozulması elan (ideya) sahiblərinin (müəlliflərin), həmçinin bu elanlara (ideyalara) baxış keçirənlərin (icraçıların) şəxsi hesablarının bloklanması ilə nəticələnə bilər.

·         Nəzərdə saxlayın ki, bütün elanlar (ideyalar) onlara əlavə ödənişli xidmətlərin tətbiq edilib-edilməməsindən asılı olmayaraq qaydalara uyğun olmalıdır. Qaydaların pozulması halında hətta ödənişi həyata keçirilmiş elanlar (ideyalar) da blok oluna və ya silinə bilər.

·         Saytda İstifadəçilər üçün bərabər şəraitin təmin edilməsi məqsədilə hər kəs elan (ideya) yerləşdirməzdən və ya saytda yerləşdirilmiş elanlara (ideyalara) baxış keçirməmişdən əvvəl IDEAMARKET.AZ-ın Qaydaları ilə tanış olmalıdır.

·         IDEAMARKET.AZ saytı Müəllif və İcraçılar arasında əlaqələndirici rolunu oynayır. İcraçı saytımızda yerləşdirilmiş ideyaların arasından marağını cəlb edən ideyanın Müəllifi ilə əlaqə yaradır. İdeyanı seçən İcraçı ilə Müəllif arasındakı sonrakı təmaslar və ya sövdələşmələr sırf bu iki tərəf arasında baş verdiyinə görə, IDEAMARKET.AZ saytı artıq bu mərhələdən sonra heç bir məsuliyyət daşımır. Müəllif və İcraçı birlikdə hansısa platforma üzərindən və ya görüşərək gələcək sövdələşməni müzakirə edəcəklərinə qərar verirlər. Məsləhət görürük ki, İcraçı ilə aparılan bütün yazışmalar sövdələşmə müqaviləsi imzalanan vaxtadək saxlanılsın.

·         Xidmətdən istifadə etmək üçün sizdən adınız, e-poçt ünvanınız, istifadəçi adı, şifrəniz, şəxsiyyət vəsiqəsi və digər şəxsi məlumatlarınız tələb olunur. Razılaşırsınız ki, saytımıza verdiyiniz hər hansı qeydiyyat məlumatı həmişə dəqiq, düzgün və aktual olacaqdır. Siz başqasını təqlid etməməli və digər şəxsə məxsus məlumatı və ya e-poçt ünvanı təqdim etməməlisiniz.

·         Heç bir Müəllifin və ya İcraçının əlaqə məlumatı açıq şəkildə saytda göstərilmir. Bu məlumat yalnız İcraçı tərəfindən onu maraqlandıran ideya haqqında əlavə məlumat almaq və ya rəsmi sövdələşmə təklifi etmək üçün müraciət edildikdə, yalnız Müəllifin özü tərəfindən açıqlanır və ya əksinə. Biz İstifadəçilərimizin elektron poçt ünvanlarını, əlaqə və ya şəxsi məlumatlarını üçüncü tərəfə, üzvlərə və ya üzv olmayanlara paylaşmır, satmır və ya başqa şəkildə yaymırıq.

·         Siz başqalarının hüquqlarını və ya qanunları pozan, ədəbsiz, təhqiramiz, hədələyici, böhtan xarakterli və ya başqa cür etiraz doğuran  hər hansı materialı saytda yerləşdirməməlisiniz.

·         Ticarət nişanı, müəlliflik və ya digər mülkiyyət hüququ sizə məxsus olmayan hər hansı bir ideyanı sayta yükləməməli, yerləşdirməməli və ya başqa şəkildə təqdim etməməlisiniz.

·         Siz müəllif hüquqlarının, ticarət nişanlarının və ya digər mülkiyyət hüquqlarının pozulması nəticəsində yaranan hər hansı digər zərərə görə məsuliyyət daşıyır, saytın qaydalarını və İstifadəçilərin hüquqlarını pozmayacağınıza zəmanət verirsiniz.

·         IDEAMARKET.AZ sizin təqdim etdiyiniz ideyaların mülkiyyət hüququna iddia etmir.

·         Siz IDEAMARKET.AZ saytından və onun təklif etdiyi xidmətlərdən yalnız qanuni məqsədlər üçün istifadə edə bilərsiniz. Hesabınız hər hansı qeyri-qanuni və ya icazəsiz məqsədlər üçün istifadə edilməməli və heç bir qanun pozuntusuna yol verməməlisiniz.

·         IDEAMARKET.AZ saytı uyğunsuz hesab etdiyi və ya qaydaları pozan hər hansı materialı saytdan silmək hüququnu özündə saxlayır.

·         Müəllifin razılığı olmadan İcraçı hər hansı bir ideyanı icra edə, məzmununu dəyişdirə, dərc edə, ötürə, köçürə və ya satışında iştirak edə, onlardan törəmə əsərlər yarada, nümayiş etdirə və ya hər hansı bir şəkildə hər hansı formatda istifadə edə bilməz.

·         Müəllifin Əqli Mülkiyyət hüququnun İcraçı tərəfindən pozulduğu halda, İcraçıya qarşı bütün mövcud hüquqi müdafiə vasitələrinə müraciət etmək hüququna məxsusdur.

·         Biz istənilən vaxt saytın Qaydalarını, İstifadəçi razılaşmasını və Məxfilik siyasətini yeniləmək hüququmuzu özümüzdə saxlayırıq. Bu cür düzəlişlər, saytda yeni Qaydalar, İstifadəçi razılaşması və Məxfilik siyasəti yerləşdirməyimizlə, sizə xəbərdarlıq edildikdən dərhal sonra qüvvəyə minir. Xəbərdarlıq aldıqdan sonra saytdan və ya təqdim etdiyimiz xidmətlərdən hər hansı istifadəniz bu düzəlişləri qəbul etdiyiniz deməkdir.

·         Siz qəbul edirsiniz və razılaşırsınız ki, bu saytı və bu Qaydaları, İstifadəçi razılaşmasını və Məxfilik siyasətini vaxtaşırı nəzərdən keçirmək və hər hansı dəyişiklikdən xəbərdar olmaq sizin məsuliyyətinizdir.

Qeyd: Müəlliflərə ideyalarını Azərbaycan Respublikası Müəllif Hüquqları Agentliyində qeydiyyatdan keçirdikdən sonra saytımıza yerləşdirməyi tövsiyə edirik. Çünki, İcraçılara təqdim etməzdən öncə ideyalarının qorunması üçün tədbirlərin həyata keçirilməsi Müəllifin müstəsna məsuliyyətidir.

Elanın (ideyanın) yerləşdirilməsi:

·         İstifadəçi (Müəllif) seçdiyi “Qiymət cədvəli”-nə uyğun sayda sayta elan (ideya) yerləşdirə bilər. Yerləşdirilmiş elanlar (ideyalar) təkrarlanmamalı, digər İstifadəçilərin (Müəlliflərin) və ya İstifadəçi olmayan digər şəxslərin Əqli Mülkiyyət, Müəllif Hüququ və/və ya əlaqəli hüquqlar da daxil olmaqla, Azərbaycan Respublikası Qanunvericiliyini və ya Beynəlxalq Hüququn tələblərini pozmamalı və saytın qaydalarına zidd olmamalıdır. Elanın (ideyanın) aktivlik müddəti seçilmiş “Qiymət cədvəli”-nə uyğun olaraq, 3,6,12 ay müddətində ola bilər. Bu müddət başa çatdıqda elanın (ideyanın) dərc olunması avtomatik olaraq dayandırılır. Bu halda İstifadəçi (Müəllif) “Qiymət cədvəli”-lərindən birini seçməklə və ödəniş etməklə, ya bu elanı (ideyanı) bərpa edə, ya da yenisini yerləşdirə bilər.

·         İstifadəçi (Müəllif) elan (ideya) yerləşdirdiyi andan etibarən aktivlik müddəti ərzində elanı qaydalara uyğun olaraq redaktə edə bilər.

·         Elan (ideya) yerləşdirərkən əmin olmalısınız ki, elan (ideya) saytın qaydalarına tam olaraq uyğundur. Elan (ideya) dərc edildikdən sonra belə, Saytın Administrasiyası tərəfindən təkrar yoxlama zamanı qayda pozuntusu aşkar edilərsə, həmin elanlara (ideyalara) düzəliş etmək və saytdan silmək hüququnu Saytın Administrasiyası özündə saxlayır.

Elanın (ideyanın) təsviri:

·         Elanın (ideyanın) təsvir hissəsində eyni anda bir neçə məhsulun qeyd olunmasına yol verilmir.

·         Elanın (ideyanın) təsviri qrammatik cəhətdən düzgün yazılmalı, fikirlər dəqiq ifadə olunmalı, tam şəkildə başlığa və təklif olunan məhsula/xidmətə uyğun olmalıdır. Bir elanda (ideyada) yalnız bir məhsul növünü və ya xidməti təsvir etməyə icazə verilir. Təsvirə əlavə edilən açar sözlər (tag-lar) təsvir olunan məhsul və ya xidmətə aid olmalı və digərlərini ehtiva etməməlidir.

·         Məhsulun və ya xidmətin bütün detalları, xüsusiyyətləri və xarakteristikaları elanın (ideyanın) təsvirində göstərilməlidir. Dərc olunan elanlarda (ideyalarda) keçid linki yerləşdirmək qadağandır.

·         Elanın (ideyanın) təsvirində telefon nömrəsinin, elektron poçt ünvanının, Skype, WhatsApp, Instagram, Facebook və digər sosial şəbəkələrdəki hesabların linklərinin göstərilməsi qadağandır. Elanla (ideya ilə) maraqlanan İcraçılar sayt üzərindən həmin elanın (ideyanın) Müəllifi ilə əlaqə saxlaya bilərlər.

·         Elanın (ideyanın) təsvirində digər İstifadəçilərə qarşı təhqiredici və ya tənqidi ifadələr işlədilməməlidir.

·         Saytın Administrasiyası Qaydalara uyğun olaraq elanın (ideyanın) təsvirini tam və ya qismən redaktə etmək hüququnu özündə saxlayır.

·         Elanın (ideyanın) təsvirində Qaydalara uyğun olaraq düzəlişlər etmək mümkün olmadıqda, Saytın Administrasiyası saytın formatına uyğun gəlməyən elanı (ideyanı) dərc etməmək hüququnu özündə saxlayır.

Qara siyahı:

·         Saytın Administrasiyasına və ya digər İstifadəçilərə qarşı hörmətsizlik edildikdə və ya saytın Qaydaları pozulduqda həmin İstifadəçinin hesabı blok olunacaqdır.

·         Saytın Qaydalarını ilk dəfə pozduğu halda İstifadəçiyə xəbərdarlıq edilir, bu hal təkrarlandıqda isə o, daimi olaraq saytın Qara Siyahısına daxil edilir.

·         Saytın Administrasiyası İstifadəçi tərəfindən qaydaların qəsdən pozulmasını aşkar edərsə və ya hər hansı qayda pozuntusu ilə bağlı digər İstifadəçilərdən şikayətlər daxil olarsa, onu xəbərdarlıq etmədən bloklamaq hüququnu özündə saxlayır.

·         Qaydaları pozan İstifadəçinin elanları (ideyaları) ödənişli olsa belə saytdan silinəcək. Bu halda ödənilən pul geri qaytarılmır.

·         IDEAMARKET.AZ saytının Administrasiyası saytın qaydalarının pozulması halları zamanı müqaviləni ləğv etmək hüququnu özündə saxlayır. Bu halda ödənilən pul geri qaytarılmır.

Texniki dəstək xidməti:

·         İstifadəçilər qarşılaşdıqları texniki problemlərlə bağlı WhatsApp və ya e-poçt üzərindən texniki dəstək xidməti ilə əlaqə saxlaya bilərlər. Texniki dəstək xidməti 24 saat ərzində müraciət etmiş İstifadəçi ilə əlaqə saxlayacaqdır.

Qadağan olunmuş elanlar (ideyalar):

·         Qadağan olunmuş məhsullar və xidmətlərin yer aldığı elanların (ideyaların) saytda yerləşdirilməsinə yol verilmir. Eyni zamanda, elanın (ideyanın) təsvirində və ya İstifadəçi adında erotik, pornoqrafik, ədəbsiz, irqçi, ekstremist və ya Ideamarket.az saytının tələblərinə cavab verməyən digər məzmun və anlayışların istifadəsi yolverilməzdir.

·         Reklam xarakterli elanların, şübhəli gəlir əldə etmə üsullarının dərc olunması, icazəsiz və istifadə hüququ olmadan tanınmış brendlərin loqolarının və ticarət nişanlarının elanda (ideyada) və ya İstifadəçi adında istifadəsi qadağandır.

Yuxarıda qeyd olunan Qaydalardan hər hansı birinin pozulması elanın (ideyanın) silinməsi üçün əsas ola və İstifadəçi hesabının bloklanması ilə nəticələnə bilər.

Qaydalar, ödənişli xidmətlərin göstərilib-göstərilməməsindən asılı olmayaraq, BÜTÜN elanlara (ideyalar) şamil olunur. Qayda pozuntularına yol verilibsə, haqqı ödənilmiş elanlar (ideyalar) da ləğv edilə bilər.

Tətbiq edilən ödəniş yalnız yerləşdirilən elan (ideya) üçün keçərlidir. Ödəniş edildikdən sonra elanı (ideyanı) redaktə etmək mümkün olsa da, onun məlumatlarını başqa məlumatlar ilə əvəz etmək qadağandır.

Əgər xidmət artıq göstərilibsə, ödənişli xidmətlərə görə edilən ödəniş geri ÖDƏNİLMİR. Həmçinin, xidmətin göstərilməsinin başlama vaxtı daha sonraya/əvvələ dəyişdirilmir, xidmət başqa elana keçirilə bilməz.

IDEAMARKET.AZ saytının Administrasiyası Qaydaların, İstifadəçi razılaşmasının və Məxfilik siyasətinin istənilən vaxt birtərəfli qaydada, öncədən xəbərdarlıq etmədən dəyişdirilməsi və/və ya yenilənməsi hüququnu özündə saxlayır.