Ağlımıza daim yeni-yeni ideyalar gəlir. Bu ideyaların bir qismini cəsarətsizliyimizdən, bir qismini onları gerçəkləşdirməyin yollarını bilməməyimizdən, bir qismini investisiya çatışmazlığından, bir qismini bu ideyaları reallaşdıracaq ixtisaslı komandanın yoxluğundan, bir qismini isə bu ideyaları axtaran icraçılara və ya şirkətlərə çıxışımızın olmaması səbəbindən kənara qoyur və ya tamamilə silib atırıq, unuduruq. Bəlkə də bu ideyalar həyatımızı dəyişdirə bilərdi, lakin…

Artıq cəsarətli olmağın, ideyalarımızın arxasınca qaçmağın vaxtı gəlib çatıb! Biz bu yolda sizə kömək etməyə, körpü rolunu oynamağa çalışacağıq.

Saytımız vasitəsilə Müəlliflər ideyalarını icraçılara və ya şirkətlərə sata, onlara sponsor və ya investisiya cəlb edə, onları reallaşdıracaq ixtisaslı komanda tapa biləcək, İcraçılar isə çoxlu sayda yeni ideyalara – ssenarilərə, biznes planlara, proyektlərə - giriş əldə edəcəklər.

P.S. Nəzərinizə çatdırmaq istərdik ki, ”İdeamarket.az” saytının layihəsi Azərbaycan Respublikası Əqli Mülkiyyət Agentliyində qeydiyyatdan keçirilmişdir.
Qeydiyyat nömrəsi – 05/C-13662-24.

Bundan əlavə, 2 aprel 2025-ci il tarixində ”İdeamarket.az” platforması Azərbaycan Respublikasının Kiçik və Orta Biznesin İnkişafı Agentliyi (KOBİA) tərəfindən ”Startap” şəhadətnaməsi ilə təltif edilmişdir.
Şəhadətnamənin nömrəsi – KOB-SŞ-17/2025